رسالة مواطن .
الى مسئولى قطاع الكهرباء برحاء منكم النظر الى هذه الشكوى من ارتفاع قيمة التحصيل الشهرية عن المعتاد .
ناس كتير بتشتكى الشهر ده من ارتفاع فاتورة الكهرباء الى اكثر من ثلاثة اضعاف عن اى شهر سابق ولما نسئل المحصل ليه كده يقولك "تصافى" هنا سؤال يطرح نفسه المفروض ان المحصل كل شهر بيمر على العداد يدون قراءة العداد وبناءا عليه بتطلع الفاتورة بقيمة الاستهلاك كل شهر يبقى التصافى دى جات منين !؟!؟ انا كمواطن وبالنيابة عن ناس كتير انا متضرر من هذا الموضوع
موضوع التصافى ده يا جماعة انا شاكك انه جاى من سببين الاول انه المسئول عن المرور كل شهر لقراءة العداد مش بيمر عشان يدون قراءة العداد وبيحط اى رقم من دماغه ويوفر على نفسه المشاوير اللى هى بياخد عشانها المرتب وعشان كده بيظبط قراءة العداد اخر السنة وتفاجاء بفاتورة يعجز البعض عن سدادها
والسبب الثانى لو السبب الاول مش صحيح يبقى فيه اختلاس وسرقة
وانا ومعظم الناس المتضررة من الكلام ده هنبحث فى اتخاذ اللازم والاجراءات القانونية لمحاسبة كل المسئولين وحسبى الله ونعم الوكيل فى كل من لا يراعى ضميره او يتسبب فى ظلم الشعب ولو بقرش واحد سوف يندم يوم القيامة عندم لا يعرف يرده لمن تسبب فى ظلمه
وارجوا من كل مواطن من جرجا مساعدتنا فى اتخاذ اللازم والله الموفق والمستعان
احمد عبده
مواطن من جرجا
0 التعليقات:
إرسال تعليق
شكرا لك