بقلم هيثم صلاح
""".... يخرب بيت ابو ام اللي اخترع حاجه اسمها الثورة ...."""
انت بتقول ايه ياعم انت حاسب
استني بس افهمك
ايه ياعم دا اللى مش راضى يفهمني
ممكن نتكلم ويكون في حاجه اسمها ادب الحوار
تسمعني واسمعك
تقنعني واقنعك
ولا لازم نركب الدماغ الصعيدي والوش الخشب نصدره براحه عليا كدا
واستهدا بالله
الكلمة دي بنسمعها كتييييير جدا والثورة بوظت وعملت وخربت وهيا السبب
وكنا عايشين في امان ايام مبارك "الملعون حسبنا الله ونعم الوكيل فيه "
يعني انت بتقول ان ايام مبارك كانت حلوه
ايه الحلو اللى فيها ؟؟؟؟
الامان ؟ يعني ايه امان يعني اي حد تمسكه في اي وقت ويتلطش ؟ يبقي امان
امان ؟ يعني معاك وسطه وقتلت قتيل تطلع براءه ؟؟ ويلبس القضيه واحد غلبان ومظلوم
لا حول ولا قوة ليه ؟؟
امان ؟ يعني امن دولة ؟؟
امان ؟؟ يعني سيد وعبد ؟؟
فيها ايه لو كلنا بقيت سواسيه ؟ مفيش فرق بين غني وفقير كل واحد ياخد حقه بما يرضى الله
اقولك الثورة اثرت وعملت حاجات كتير بس احنا اللى لسا تاثيرها متغيرناش من جوانا
التغيير احنا نتغير
لو شفت استغلال المفروض توقفه شوفت غلط توقفه
شوفت مشكلة تحاول تحلها
مش تهرب منها
يعني ايه ثورة يعني واحد يثور ويحاول يغير وضع غلط ؟
يعني تجديد دم وتجديد
هارجع واقولك ياترى ايام مبارك كانت حلوه ؟؟؟؟؟؟؟؟؟
ايه الحلو اللى فيها التعليم ؟؟ اسوء فترة تعليم على مر العصور لدرجة نسبه الجهل في مصر عدت ال 60 % عارف ليه ياعم عارفه ليه ياست هانم عشان
لو طلعت واحد فاهم وعارف حقوقه ومتعلم هو هيناقر وهيقعد يتعبهم مين اللى يتعبهم
اللى هما واكلينها والعه
يطلع واحد مش عارف حقوقه
واحد يتاخد علي قفاه علشان ملوش ضهر !!!
ياساتر يارب
طيب لو هو فاهم وعارف اللى ليه وعليه هيشتغل ويطلع انتاج وفي نفس الوقت هيطالب بخقوقه
طيب نيجي بقي ونقول طيب والاعتصامات والاضرابات ؟؟؟؟ هاء ؟هاء ؟؟ ايه اتكلم ؟؟
هتقولي حرام ؟؟ ولا البلد خربت وباظت لا استني لحظه من فضلك
هو كنا نسمع عن حد يعمل اعتصام ولا اضراب تاني يوم تلاقيه مشرف في امن الدولة
بس كان اي نفس يتخرس يتقطع لسانه هوووس اسمعش نفسك تاني اكتم خالص
ومن هنا ترجع بقي قضيه الرشاوي واشرب شاي وخلص مصلحه بحجه المرتب مش مكفي
طيب يعمل ايه
ها تقولي برضه ثورة ياجماعه الثورة قامت وغيرت وفي شهداء دول الدليل على انه في ثورة
ناس طلعت من الموت عشان تموت هتقولي طلعت من الموت ااااااااااااااااه
دول كانوا ميتين بالحياه فاتفقوا انهم يموتوا بشرف يايعيشوا بكرامه واختاروا الشهاده
برضه هترجع تقولي الثورة طلعت بلطجيه ؟؟؟
بلطجه يعني ايه بلطجه يعني انا اخد حق مش حقي
استني استني استني
دلوقتى اناا اما اسمع اشاعه انا واللى حواليا هنخاف ونكش بحجه ان في واحد جاي يبلطج
طيب والشرطة ؟ الشرطه بياخدوا مرتباتهم وبزياده كمان وبعلاوت وبحوافز وبكل مافيها
هاء ؟ ومعاهم هديه ع البيعه اجازه بمرتب وحوافز واهم نايمين في المكاتب بحجه انهم مش قادرين
يعني انتي عايز تقولي ان هما مبسوطين بكدا اه مبسوطين هتقولي ازاي
بص ولا بصي دلوقتي انا واخد مرتبي وواخد حقي واجازاتي ومش شغال ها ؟ يبقي اعرفهم حدودهم واخلي الناس دول احنا مين وايه اهميتنا مع اننا لو طبقنا القوانين مش هنحتاج لا طواري ولا حتى فاس طيب يعني لو طبقنا القانون ومشينا كلنا باحترامه وعرفنا اللى لينا واللى علينا هل هيحصل حاجه
لا للاسف لان احنا من جوانا متغيرنااااااااش
طيب ازاي نتغير ؟؟؟ ازاااااااااااااااااااااااا
قال تعال " ان الله لا يغير ما بقوم حتي يغيروا ما بانفسهم "" صدق الله العظيم
يلا بينا نتغير ونعمل اللى علينا جايز ربنا يكرمنا مش عشاني ولا عشانك ولا عشان اللى ماتوا
عشان اللى جاي عشان ابني وابنك بنتي وبنتك
يبقي يخربيت ام الثورة ولا ؟؟؟
0 التعليقات:
إرسال تعليق
شكرا لك