إلــــى السابقين نحيطكم علماً بأنه

 6-2-2012

بقلم محمدعلى السبيرى

                                                                                  

إلــــى السابقين نحيطكم علماً بأنه : - أنتم جيل من خاف سلم .. و إحنا جيل اللي خايف يروح - أنتم جيل الإتحاد الإشتراكي والحزب الوطني .. إحنا جيل الثورة - أنتم جيل الوشايات والمخبرين .. إحنا جيل لما كان واحد يعمل مصيبة في الفصل ... والمدرس يسأل مين عمل كده كل الفصل كان بيقول أنا ! - أنتم جيل اللي نعرفه أحسن من اللي منعرفوش .. و إحنا الجيل اللي خلع اللي نعرفه وحبس إبنه - أنتم جيل اللي ملوش كبير يشتريله كبير .. وإحنا جيل كبيرنا هو الحق والعدل - أنتم جيل الأهرام والأخبار و التليفزيون المصري .. وإحنا جيل الفيس بوك وتويتر والشارع - أنتم جيل الإستقرار .. وإحنا جيل الإصرار اللي هيطهر مصر - أنتم جيل أضرب المربوط يخاف السايب .. و إحنا جيل أضرب المربوط هينزل السايب يجيب حقه - أنتم جيل ماشي جنب الحيط .. وإحنا جيل هد الحيط بدراعه - أنتم جيل عايز يموت على سريره وسط أحفاده .. وإحنا جيل الطفل فيه بيتمنى الشهاده - وأخيراً أنتم الجيل اللي سكت على مبارك 30 سنة فساد وسرقة وقهر وتعذيب .. وإحنا الجيل اللي بيدفع التمن علشان رفضنا نعيش نفس عيشتكم عفواً .. خليكم ف حالكم وخلونا نكمل حلمنا ونعيش حياتنا بطريقتنا .

Posted in: مقالات الكتاب